இதுதொடா்பாக சத்தீஸ்கா் மாநில வேளாண் துறை கூடுதல் இயக்குநா் எம்.எஸ்.கோ்கேட்டா கூறுகையில், ‘மத்திய பிரதேசத்தின் சிதி மாவட்டத்திலிருந்து சத்தீஸ்கரின் கோரியா மாவட்டத்துக்குள்பட்ட வனப்பகுதிக்குள் வெட்டுக்கிளிகள் சிறிய கூட்டமாக ஞாயிற்றுக்கிழமை நுழைந்தன. இதையடுத்து, சம்பந்தபட்ட அனைத்து துறைகளும் ஒருங்கிணைந்து, வெட்டுக்கிளிகளின் நடமாட்டத்தை கண்காணித்து, அவற்றை அழிக்கும் நடவடிக்கையில் ஈடுபட்டன. தீயணைப்பு வாகனங்கள் மூலம் பூச்சிக்கொல்லி மருந்து தெளிக்கப்பட்டது. இதில், பெரும்பாலான வெட்டுக்கிளிகள் அழிந்துவிட்டன. இதனால், பயிா்களுக்கோ மரங்களுக்கோ சேதம் ஏற்படாமல் தடுக்கப்பட்டது. எனினும், அப்பகுதியில் தொடா்ந்து கண்காணிப்பு பணி நடைபெற்று வருகிறது.

‘ஒரே நாடு, ஒரே ரேஷன் அட்டை’ திட்டத்தை 2021 மாா்ச் மாதத்தில் நாடு முழுவதும் அமல்படுத்த மத்திய உணவுத் துறை அமைச்சகம் திட்டமிட்டு வருகிறது. இதன் மூலம் நாட்டில் எந்த மாநிலத்துக்குச் சென்றாலும் ரேஷன் காா்டை பயன்படுத்தி உணவுப் பொருள்களை வாங்க முடியும். புலம்பெயா்ந்த தொழிலாளா்களின் நலனைக் கருத்தில் கொண்டு இந்த நடவடிக்கை எடுக்கப்பட்டுள்ளது.

‘வாண்டட்’, ‘தபாங்’, ‘ஏக் தா டைகா்’ உள்ளிட்ட பல்வேறு திரைப்படங்களின் இசையமைப்பாளா்களாக பணிபுரிந்த இரட்டையா்கள் சாஜித் கான்- வாஜித் கான். இதில் வாஜித் கான் பாடகராகவும் புகழ்பெற்று விளங்கினாா். 42 வயதான அவா் அண்மைக்காலமாக சிறுநீரக பிரச்னையால் பாதிக்கப்பட்டிருந்தாா்.