மீண்டும் ரூ.37 ஆயிரத்தை தாண்டியது பவுன் தங்கம்

17 views
1 min read
gold-13

சென்னையில் பவுன் ஆபரணத்தங்கம் செவ்வாய்க்கிழமை மீண்டும் ரூ.37 ஆயிரத்தை தாண்டியது. பவுனுக்கு ரூ.32 உயா்ந்து, ரூ.37,008-க்கு விற்பனை செய்யப்பட்டது.

கரோனா நோய்த்தொற்றின் தாக்கம், அமெரிக்க டாலருக்கு நிகரான இந்திய ரூபாயின் மதிப்பு சரிவு உள்ளிட்ட பல்வேறு காரணங்களால் தங்கம் விலை உயா்ந்து வந்தது. ஒரு பவுன் ஆபரணத் தங்கம் ஏப்ரல் 10-ஆம் தேதி ரூ.35 ஆயிரத்தையும், ஏப்ரல் 16-ஆம் தேதி ரூ.36 ஆயிரத்தையும், ஜூன் 24-ஆம் தேதி ரூ.37 ஆயிரத்தையும் தாண்டியது. அதன்பிறகு, தங்கம் விலை

ஏற்ற இறக்கங்களுடன் காணப்பட்ட நிலையில், ஜூலை 1-ஆம் தேதி ரூ.37,472 ஆக உயா்ந்து, புதிய உச்சத்தைத் தொட்டது. அதன்பிறகு, தங்கம் விலை ஜூலை 2 -ஆம் தேதி ரூ.36,976 ஆகக் குறைந்து அதே விலை நீடித்து வந்தது.

இந்நிலையில், சென்னையில் பவுன் ஆபரணத்தங்கம் செவ்வாய்க்கிழமை மீண்டும் ரூ.37 ஆயிரத்தை தாண்டியது. பவுனுக்கு ரூ.32 உயா்ந்து, ரூ.37,008-க்கு விற்பனை செய்யப்பட்டது. ஒரு கிராம் தங்கம் ரூ.4 உயா்ந்து, ரூ.4,626 ஆக இருந்தது. அதேநேரத்தில், வெள்ளி விலை சற்று குறைந்துள்ளது. வெள்ளி கிராமுக்கு 30 பைசா குறைந்து, ரூ.53.30 ஆகவும், கட்டி வெள்ளி கிலோவுக்கு ரூ.300 குறைந்து, ரூ.53,300 ஆகவும் இருந்தது.

செவ்வாய்க்கிழமை விலை ரூபாயில் (ஜி.எஸ்.டி தனி)

1 கிராம் தங்கம்…………. 4,626

1 பவுன் தங்கம்………… 37,008

1 கிராம் வெள்ளி……….. 53.30

1 கிலோ வெள்ளி……… 53,300

திங்கள்கிழமை விலை ரூபாயில் (ஜி.எஸ்.டி தனி)

1 கிராம் தங்கம்…………… 4,622

1 பவுன் தங்கம்………….. 36,976

1 கிராம் வெள்ளி………… 53.60

1 கிலோ வெள்ளி………..53,600.

 

Leave a Reply