முதல்வர் பழனிசாமியுடன் மத்தியக் குழு ஆலோசனை

18 views
1 min read
cm_palanisamy

முதல்வர் பழனிசாமியுடன் மத்தியக் குழு ஆலோசனை

சென்னையில் கரோனா பாதிப்பு மற்றும் அதற்காக அரசு சாா்பில் எடுக்கப்பட்டு வரும் தடுப்பு நடவடிக்கைகள் குறித்து ஆய்வு செய்ய சென்னை வந்துள்ள 7 போ் கொண்ட மத்தியக் குழுவினர் முதல்வர் பழனிசாமியுடன் தலைமைச் செயலகத்தில் இன்று காலை ஆலோசனை நடத்தினர்.

தலைமைச் செயலகத்தில் நடைபெற்ற இந்த ஆலோசனைக் கூட்டத்தில் சுகாதாரத் துறை அமைச்சர் விஜயபாஸ்கர், சுகாதாரத் துறை செயலாளர் ராதாகிருஷ்ணன் உள்ளிட்டோர் பங்கேற்றனர்.

மத்தியக் குழுவினருடனான இந்த ஆலோசனைக் கூட்டத்தில், தமிழகத்தில் எடுக்கப்பட்டு வரும் நடவடிக்கைகள் மற்றும் எடுக்க வேண்டிய முன்னெச்சரிக்கை நடவடிக்கைகள் குறித்து விரிவாக ஆலோசிக்கப்பட்டதாகக் கூறப்படுகிறது.

நாட்டிலேயே மகாராஷ்டிரத்துக்கு அடுத்தபடியாக தமிழகம் கரோனா பாதிப்பில் இரண்டாவது இடத்தில் உள்ளது.  அதே சமயம் தமிழகத்தைப் பொருத்தவரை சென்னையில்தான் கரோனா பாதிப்பு அதிகமாக உள்ளது. இதுவரை சென்னையில் மட்டும் 73 ஆயிரம் போ் கரோனாவால் பாதிக்கப்பட்டுள்ளனா். இதைத் தடுக்க சிறப்பு காய்ச்சல் முகாம், வீடுதோறும் ஆய்வு என கரோனா அறிகுறி உள்ளவா்கள் கண்டறியப்பட்டு, நாள்தோறும் சுமாா் 10 ஆயிரத்துக்கும் மேற்பட்டோருக்கு கரோனா பரிசோதனை செய்யப்பட்டு வருகிறது. 

இந்நிலையில், தமிழகத்தில் ஏற்கெனவே இரண்டு முறை கரோனா பாதிப்பு, தடுப்பு பணிகள் குறித்து ஆய்வு மேற்கொண்ட மத்தியக் குழு, 3-ஆம் முறையாக ஆய்வு மேற்கொள்ள மத்திய சுகாதாரத் துறை கூடுதல் செயலா் ஆா்த்தி அகுஜா தலைமையில் தமிழகத்துக்கான மத்திய அரசின் கரோனா கண்காணிப்பு அலுவலா் ராஜேந்திர ரத்னூ, மருத்துவா்கள் ரவீந்திரன், சுகாஷ் தந்தூா், பிரவீண், ஸ்வரூப் சாஹூ, சதீஷ் ஆகிய 7 போ் கொண்ட குழு சென்னைக்கு புதன்கிழமை வந்தது.

இதைத் தொடா்ந்து, சென்னை உள்பட பிற மாவட்டங்களில் கரோனா பாதிப்பு நிலவரம் மற்றும் அதற்காக தமிழக அரசு எடுத்து வரும் நடவடிக்கைகள் குறித்து சுகாதாரத் துறை அமைச்சா் சி.விஜயபாஸ்கா், சுகாதாரத் துறை முதன்மைச் செயலா் ஜெ.ராதாகிருஷ்ணன், பெருநகர சென்னை மாநகராட்சி ஆணையா் கோ.பிரகாஷ் உள்ளிட்டோரிடம் சேப்பாக்கத்தில் உள்ள விருந்தினா் மாளிகையில் மத்தியக் குழுவினா் வியாழக்கிழமை ஆலோசனை நடத்தினா்.

இதையடுத்து, கரோனா பாதிக்கப்பட்டுள்ளவா்கள் சிகிச்சை பெற்று வரும் ராஜீவ்காந்தி அரசு பொது மருத்துவமனை, ஓமந்தூராா் அரசு பல்நோக்கு சிறப்பு மருத்துவமனை மற்றும் தண்டையாா்பேட்டையில் உள்ள மாநகராட்சி தொற்று நோய் சிறப்பு மருத்துவமனை, மாநகராட்சி சாா்பில் புளியந்தோப்பு பகுதியில் அமைக்கப்பட்டுள்ள கரோனா சிகிச்சை மையம் உள்ளிட்ட பல்வேறு பகுதிகளில் அமைக்கப்பட்டுள்ள மையங்களில் ஆய்வு மேற்கொண்ட மத்தியக் குழு, அங்கு அனுமதிக்கப்பட்டுள்ளவா்களுக்கு அளிக்கப்படும் சிகிச்சை மற்றும் உணவுகள் குறித்து மருத்துவா்களிடம் கேட்டறிந்தது. தொடா்ந்து, கரோனா பாதிப்பு அதிகம் உள்ள ராயபுரம், தண்டையாா்பேட்டை, திருவிக நகா் உள்ளிட்ட மண்டலங்களுக்குச் சென்ற மத்தியக் குழு அங்கு நடைபெற்று வரும் சிறப்பு மருத்துவ முகாமில் சுகாதாரத் துறையின் வழிகாட்டுதல்கள் முறையாக கடைப்பிடிக்கப்படுவது குறித்து ஆய்வு செய்ததுடன், அங்கு கட்டுப்படுத்தப்பட்ட பகுதிகளில் வசிக்கும் மக்களிடம் அத்தியாவசியத் தேவைகள் பூா்த்தி செய்யப்படுவது குறித்தும் கேட்டறிந்தனா்.

தொடா்ந்து, ஆழ்வாா்பேட்டையில் மாநகராட்சி முகாமில் தங்க வைக்கப்பட்டுள்ள வெளிமாநிலத் தொழிலாளா்களுக்கு அரசு சாா்பில் செய்துகொடுக்கப்பட்டுள்ள வசதி குறித்தும், அப்பகுதியில் இயங்கி வரும் அமுதம் கூட்டுறவு அங்காடியில் ரூ. 500-க்கு வழங்கப்படும் மளிகைப் பொருள்கள் தொகுப்பு குறித்தும் கேட்டறிந்தனா். இதையடுத்து, கிண்டி கிங் ஆய்வக வளாகத்தில் ரூ. 127 கோடி மதிப்பில் அமைக்கப்பட்டுள்ள அதிநவீன கரோனா சிறப்பு மருத்துவமனையில் ஏற்படுத்தப்பட்டுள்ள வசதிகள், நவீன உபகரணங்கள் ஆகியவை குறித்து மத்தியக் குழு ஆய்வு மேற்கொண்டது.
 

TAGS
palanisamy

Leave a Reply